Елордада запастағы әскери міндеттілермен әскери жиын өткізілуде

Елордада запастағы әскери міндеттілермен әскери жиын өткізілуде 11.11.2019 Қазақстан Республикасының 2012 жылғы 16 ақпандағы «Әскери қызмет және әскери қызметшілердің мәртебесі туралы» Заңының 33-бабына және  Қазақстан Республикасы Үкіметінің 2012 жылғы 15 мамырдағы №620 Қаулысымен бекітілген «Қазақстан Республикасы азаматтарын әскери қызметке шақыруды ұйымдастыру және жүргізу Ережелері» талаптарынына сәйкес аумақтық қорғаныс бригадасына тіркелген 80-ге жуық 40 жасқа дейінгі әскери міндеттілермен кезекті жоспарлы жиын өткізілуде. Соның ішінде «Сарыарқа» ауданынан 26 әскери міндеттілер бар.
Қарашаның 4 мен 13 аралығында әскери міндеттілер далалық дайындық пен қимыл үйлестіру даярлығын шыңдайды. Дәрістер келесі әскери пәндер бойынша: жалпы әскери жарғылар, тактикалық дайындық, әскери топография, инженерлік дайындық, радиациялық, химиялық және биологиялық қарудан қорғану дайындығы және оқ атуға машықтануы бойынша өткізіледі.
Аумақтық қорғаныс бригадасының негізгі міндеті – қаланың маңызды стратегиялық нысандарын күзету және қорғау, ерекше кезеңінде әскери жағдайды қамтамассыз етіп отыру.